ХЭНТИЙ АЙМАГ ДАХЬ ШҮҮХИЙН ТАМГЫН ГАЗАР ГЭМТ ХЭРЭГ, ЗӨРЧЛӨӨС УРЬДЧИЛАН СЭРГИЙЛЭХ ЧИГЛЭЛЭЭР СУМДАД АЖИЛЛАЛАА.
2023-06-27 | 117Хэнтий аймгийг 2023 онд “Хүүхэд хөгжил, хамгааллын” жил болгон зарласантай холбоотойгоор тус аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Хэнтий аймгийн шүүх, Хэнтий аймгийн прокурорын газар, Цагдаагийн газар, Онцгой байдлын газар, Шүүхийн шийдвэр гүйцэтгэх газар, Гэр бүл хүүхэд залуучуудын хөгжлийн газар, Боловсрол, соёл, шинжлэх ухааны газар, Байгаль орчин, аялал жуулчлалын газар, Эрүүл мэндийн газар, Архивын газар, Өмгөөллийн зөвлөлтэй хамтран гэмт хэрэг зөрчлийг бууруулах, сумын гэмт хэрэг, зөрчлөөс урьдчилан сэргийлэх ажлыг эрчимжүүлэх, төрийн байгууллага, салбар зөвлөлийн үйл ажиллагаатай танилцах, зөвлөн туслах чиглэлээр Хэнтий аймгийн Өмнөдэлгэр, Гурванбаян тосгон, Батширээт, Биндэр, Баян-Адарга, Дадал, Норовлин, Батноров, Бэрх тосгонд 2023 оны 06 дугаар сарын 19-ны өдрөөс 06 дугаар сарын 23-ны өдрийн хооронд ажиллалаа.
Уг ажлын хүрээнд иргэдэд шүүхийн үйл ажиллагааг, Захиргааны ерөнхий хууль, Захиргааны шүүхэд зөрчил шалган шийдвэрлэх ажиллагаа, Гэр бүлийн хүчирхийллийн тухай ойлголт, гэр бүлийн хүчирхийлэлтэй холбоотой гэмт хэргийг шийдвэрлэсэн байдлыг тус тус танилцууллаа. Мөн шүүхэд өргөдөл гомдол нэхэмжлэл хэрхэн гаргах талаар иргэд олон нийтэд мэдээлэл хүргэж, гарын авлагаар хангаж ажиллав.
